ഒരു പനിനീര്‍പ്പൂവും
ഒരു കുറിപ്പും നീയെനിക്കു നല്‍കി ..
നിന്റെ ഹൃദയം
സ്നേഹസംബന്നവും അലിവുള്ളതുമാണെന്ന്
എനിക്കറിയാം ..
പക്ഷെ
നിനക്കറിയുമോ , ഞാന്‍ വിവാഹിതനാണെന്ന് .
എന്റെ ഭാര്യ ,
അവള്‍ പ്രായമായ എന്റെ മാതാപിതാക്കളെ
പരിചരിച്ചും മക്കളെ വളര്‍ത്തിയും
എനിക്ക് വേണ്ടി ജീവിക്കുന്നു .
ഞാന്‍ അവളോട്‌ വാഗ്ദാനം നല്‍കിയിട്ടുണ്ട്
ഒരിക്കലും വേര്‍ പിരിയില്ലെന്ന്
അതുകൊണ്ട് ..
നീ നല്‍കിയ പുഷ്പം ഞാന്‍ തിരികെ നല്‍കുന്നു
വീടെത്തുന്നതിനു മുന്പ് അത് വാടിപ്പോകും .
പക്ഷെ ഈ കുറിപ്പ് ഞാനെടുക്കുന്നു .
എന്റെ പ്രിയതമയെ കാണിക്കുവാന്‍ .
ആര്‍ക്കും സ്നേഹം തോന്നാവുന്നത്ര
സ്നേഹം ഉള്ളയാളാണ്
അവളുടെ പ്രിയതമന്‍ എന്ന് അവള്‍
പറയുന്നത് കേള്‍ക്കാന്‍ ......
നിന്റെ കണ്ണുകള്‍ തുളുംബിയല്ലോ ....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ