പ്രവാസി ആകുന്നതിനു മുന്പ് എനിക്കിത്തരം ബാല്യ
വിവാഹങ്ങളെ കുറിച്ച് വലിയ അറിവുണ്ടായിരുന്നില്ല .
കൂടെ ജോലി ചെയ്തിരുന്ന ഒരു മലപ്പുറത്ത്കാരന്
മൂന്നു പെണ്മക്കളുടെ കാര്യം കൂടെ കൂടെ പറയുന്നത് കേട്ടപ്പോള് ആകാംഷ തോന്നി .
മൂത്ത കുട്ടിയുടെ പ്രായം പത്തു വയസ് . അവളെ നിക്കാഹിനു ആലോചിച്ചു ഇപ്പോളെ ചെക്കന്മാര്
വരനുണ്ടത്രേ . കുട്ടിക്ക് വളര്ച്ച ഉള്ളതിനാല്
വൈകിയാല് ചെക്കനെ കിട്ടാന് പാടാണെന്ന് അയാള് പറഞ്ഞു .
തന്നയുമല്ല താഴെ വേറെ രണ്ടു കുട്ടികള് കൂടി ഉള്ളതിനാല് എത്രയും പെട്ടന്ന് കെട്ടിച്ചയക്കണം എന്ന വിചാരമാണ് കുട്ടി യുടെ ഉമ്മക്കും . പത്തു വയസുള്ള എന്റെ സഹോദരിയുടെ മകളെ ഞാന് മനസ്സില് ഒട്ടു നേരം ആലോചിച്ചു പോയി .
ചാടി തുള്ളി കളിച്ചു നടക്കുന്ന പ്രായത്തില് അവളെ ഒരുത്തന് വിവാഹം ആലോചിച്ചു വന്നാല് ഞാന് എന്ത് ചെയ്യും . കുട്ടികളെ പീഡിപ്പിക്കാന് നടക്കുന്ന കൂട്ടത്തില്
പെടുത്തി അവനെ ഞാന് ആട്ടി പായിക്കും . കൊച്ചു കുട്ടികളെ തന്നെ കെട്ടിയാല് മതി എന്നു പറഞ്ഞു വരുന്ന
ആ മനോരോഗി യായ ചെറുപ്പക്കാരനെ ചിലപ്പോള് കരണത്തിന് രണ്ടു കൊടുത്തു പോലീസില് ഏല്പ്പിക്കാനും
മതി .
എന്റെ മുഖം നിറയെ പരിഹാസം കണ്ടിട്ടാവണം കാക്ക
ഒന്ന് ഉഷാറായി .രണ്ടു ബര്ത്താനം പറഞ്ഞു ഓനെ
ആട്ടാന് തീരുമാനിച്ച് എന്റെ നേരെ വന്നു . നിങ്ങള് തെക്കന്മാര് മൂത്ത് നരച്ചു നില്ല്കുന്ന പെണ്കുട്ടികളെ
കെട്ടിയാണ് ശീലം . അതിലൂടെയും ഇതിലൂടെയും പോയതുങ്ങളെ അവിടുള്ളവര്ക്ക് മതി .
ഞമ്മക്ക് അത് പോര . പെങ്കുട്ടിയോലെ നല്ല പ്രായത്തില് തന്നെ കെട്ടിച്ചു ബിടണം.
കാക്ക എത്ര ബയസില് ആണ് കെട്ടിയത് ? എന്റെ ചോദ്യം .
ഞാന് ഇരുപത്തി മൂന്നു വയസില് . ബീടര്ക്ക് എത്ര വയസായിരുന്നു . എന്റെ അടുത്ത ചോദ്യം .
ഞാന് കെട്ടി രണ്ടാം വര്ഷം ആണ് ഓള്ക്ക്
ആര്ത്തവം (mensus) വന്നത്.
അതും പറഞ്ഞു കാക്ക വില്ലാളി വീരനായ അര്ജുനനെ
പോലെ ഒന്ന് ഞെളിഞ്ഞിരുന്നു .
സാജിയെ അനക്ക് നേരം വെളുത്തിട്ടില്ല .
അന്റെ ഒക്കെ നാട്ടില് പെങ്ങുട്ട്യോള് മൂത്ത് നരച്ചാണ്
നിക്കാഹു കഴിക്കുന്നത് .
ഞങ്ങള് പതിമൂന്നു പതിനാലു വയസ്സിനു മുന്പ് കെട്ടിച്ചു വിടും . അല്ലെങ്കില് പിന്നെ ചെക്കന്മാര് വരില്ല .
കുട്ടിക്ക് പ്രായം ഏറി എന്നു പറയും .
ഞാന് നെഞ്ചത്ത് കൈവെച്ചു .
എന്നിട്ട് ?
എന്റെ ഭാര്യ മൂന്ന് പ്രസവിച്ചു .പതിനെട്ടു വയസ്സായപ്പോള്
ഓള്ക്ക് മൂന്ന് കുട്ടികള് .
സാധാരണ പ്രസവം ആയിരുന്നോ ?
ആദ്യ രണ്ടു ഓപ്പറേഷന്.
മൂന്നാമത് പ്രസവം . റബ്ബുല് ആലമീനായ തമ്പുരാനേ ....
പതിനഞ്ചു പതിനാറു വയസില് ഒരു പെണ്കുട്ടി ഗര്ഭിണി ആകുക . പ്രസവിക്കാന് ശേഷി ഇല്ലാത്തതിനാല്
വയറ്റാട്ടി കൈയ്യോഴിയുക . പിന്നെ ആശുപത്രിയില് കൊണ്ട് പോയി ഓപ്പറേഷന് നടത്തുക ...
ഒരു പെണ്ണിനോട് ചെയ്യാവുന്ന ഏറ്റവ്വും വലിയ നീതി കേടു തന്നെ .
കാക്കയുടെ സമീപത്തു നിന്നും പതുക്കെ എഴുന്നേറ്റു
പുറത്തേക്കു നടന്നു . ഇലകളെല്ലാം പൊഴിഞ്ഞു
അസ്ഥിപഞ്ജരം പോലെ നില്കുന്ന ഒരു മരത്തിന്റെ
ചുവട്ടില് പോയിരുന്നു . മനസ്സില് നിറയെ
ചെറുപ്രായക്കാരായ കുട്ടികള് ഓടി കളിക്കുന്നു .
ഒരു പെണ്കുട്ടി മാത്രം മാറി ദൂരെ നോക്കി നില്ക്കുന്നു .
ആകാശത്ത് കൂടി പോകുന്ന വിമാനങ്ങള് അവള്ക്കു പ്രതീക്ഷ നല്കുന്നുണ്ടോ ? ഒരു കത്ത് പാട്ടിന്റെ ഈരടി
മുഴങ്ങുന്നതുപോലെ . പ്രവാസിയായ ഭര്ത്താവിന്റെ വരവും കാത്തിരിക്കുന്ന ഒരു പതിനാലുകാരി.
കൂട്ടുകാരികലോടൊപ്പം സ്കൂളില് പോയി മടങ്ങേണ്ട സമയത്ത് ഭര്ത്താവും അയാളുടെ വീടും ഉത്തരവാദിത്യങ്ങളും തന്റെ ചെറു ചുമലുകളില്
താങ്ങേണ്ടി വരുക .
മാനസീകമായും ശാരീരികമായും പാകത എത്താത്ത
പ്രായത്തില് വിവാഹവും പ്രസവങ്ങളും . ഭര്ത്താവിന്റെ യും വീട്ടു കാരുടെയും അപ്രീതിക്ക് പത്രമായാല്
ഒരു മൊഴി ചൊല്ലലും പിന്നീടു സ്വന്തം വീട്ടില് വിധവയെ പോലെ ജീവിതം തളചിടലും
എനിക്കെന്തു ചെയ്യാന് പറ്റും .. ഞാന് നിസ്സഹായന് . ഒരു നാടും അവിടുത്തെ ശീലങ്ങളും ശീലക്കേടുകളും .
പെട്ടന്ന് പിറകില് ഒരു കാല് പെരുമാറ്റം .
സാജിയെ ....
അനക്കെത്ര വയസ്സായി ? കാക്ക പിറകില് എത്തി.
എന്നെ വിടാന് ഭാവമില്ല . ഇരുപത്തി എട്ട് .
ഞാന് പറഞ്ഞു .
അന്റെ പ്രായത്തില് എനിക്ക് കുട്ടികള് മൂന്നായി . നീ ഒക്കെ
കല്യാണം കഴിച്ചു കുട്ടികള് ആയി അവറ്റകള് ഒരു
പ്രായം ആകുമ്പോള് നിനക്ക് വയസ്സാകും . ഞങ്ങളുടെ നാട്ടില്
മുപ്പതു വയസ്സായ ഒരു പെണ്ണ് മുത്തശ്ശി ആയിരിക്കും
അനക്ക് ബയസ്സയാല് തുള്ളി വെള്ളം തരാന്, സമ്പാദിച്ചു വീട് നോക്കാന് പ്രായമായ മക്കള് പോലും ഉണ്ടായിരിക്കില്ല .
ഞാന് ഒന്ന് ഞെട്ടി .
മുത്തശ്ശി എന്ന സങ്കല്പം എന്റെ മനസ്സില് തകര്ന്നു വീണു എന്റെ വലിയമ്മ എന്നെ ഓമനിച്ചു കഥകള് പറഞ്ഞു തന്നിരുന്ന അവരുടെ പ്രായം അറുപതിനും മുകളില് ആയിരുന്നു . മുപ്പതു വയസുള്ള ഇവരുടെ ഭാര്യ ആയ മുത്തശ്ശി എനിക്ക് താങ്ങാവുന്നതിലും അപ്പുറം ആയിരുന്നു .
എന്റെ തളര്ച്ച കണ്ടിട്ടാവണം . കാക്കയ്ക്ക് ഉത്സാഹം കൂടി . സ്വന്തം സഹോദരി പ്രസവിച്ചു കിടന്നപ്പോള് ഉമ്മ അപ്പുറത്തെ മുറിയില് പ്രസവിച്ചു കിടന്ന കാര്യം അയാള്
സന്ദേഹം ഇല്ലാതെ പറഞ്ഞപ്പോള്
എന്റെ സകല നിയന്ത്രണവും പോയി . എന്ത് വികാരം
ആണ് ഞാന് ഇപ്പോള് ഇയാളുടെ മുന്നില് പ്രകടിപ്പിക്കുന്നത്
ചിരിക്കുക തന്നെ .
ആര്ത്തു ചിരിച്ചു . കാക്കക്ക് ഒരു കൂസലും ഇല്ല .
മകളുടെ വിവാഹം , അതിന്റെ ചിലവുകള് അയാളുടെ
കണക്കു കൂടലുകള് മുറുകുന്നു
ചിരിച്ചു തള്ളി എങ്കിലും എന്റെ
ഉള്ളില് അപ്പോളും കുറെ ചെറു ബാല്യക്കാരികള്
പ്രതീക്ഷ നഷ്ട്ടപ്പെടാത്ത മനസുമായി ദൂരേക്ക് നോക്കി നില്ക്കുന്നുണ്ടായിരുന്നു .
അവരുടെ പ്രകാശം നഷ്ട്ടപ്പെട്ട കണ്ണുകളില് ചിലപ്പോള്
കണ്ണുനീരിന്റെ ചാലുകള് ഉരുകി ഒലിച്ചു വരാന്
നിമിഷങ്ങള് മതിയാകും .
നാടും നഗരവും മാറി മറിയുന്നുന്ടെങ്കിലും
ചില സാമൂഹിക സാഹജര്യങ്ങള് മാറാന്
കാലതാമസം ഉണ്ടായെകാം.
Memories will be very crazy at sometimes. They leave us alone when we are in the crowd. But when we are alone they come to us as a crowd.
2010, മാർച്ച് 24, ബുധനാഴ്ച
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
എസ് . ബി . ടി യും ഞാനും പിന്നെ ചൂലും
സ്റ്റേറ്റ് ബാങ്ക് ഓഫ് ട്രാവൻകൂർ എന്ന മലയാളിയുടെ സ്വന്തം ബാങ്ക് ഇനി ഗൃഹാതുരമായ ഒരോർമ്മയാകാൻ പോകുന്നു. ഞാൻ ആ ബാങ്കിലെ ഒരുദ്യോഗസ്ഥന്റെ മകനായിര...
-
പാഷാണത്തില് കല്ല് കടിക്കുന്നു ദേവി ഞാന് ഒന്ന് ചത്തോട്ടെ മാമരം പൂമരം കുത്തി മറിയുന്നു ദേവി ഞാന് ഒന്ന് ചത്തോട്ടെ. പേമാരി പെയ്തവ പൊട്ടി ത്...
-
നാം തമ്മിൽ പരിചയപ്പെടുന്നത് ഫെബ്രുവരിയിൽ തമാശകൾ പറഞ്ഞ് പൊട്ടിച്ചിരിച്ചത് മാർച്ചിൽ എനിക്ക് നിന്നെ വീണ്ടം കാണണമെന്ന് തോന്നിയത് ഏപ്രിലിൽ ഞാൻ...
-
സ്റ്റേറ്റ് ബാങ്ക് ഓഫ് ട്രാവൻകൂർ എന്ന മലയാളിയുടെ സ്വന്തം ബാങ്ക് ഇനി ഗൃഹാതുരമായ ഒരോർമ്മയാകാൻ പോകുന്നു. ഞാൻ ആ ബാങ്കിലെ ഒരുദ്യോഗസ്ഥന്റെ മകനായിര...
3 അഭിപ്രായങ്ങൾ:
ഇപ്പോഴും ഉണ്ടടോ എത്ര നീച്ചമായരീതി .............................തടയാന് ഇവിടെ നിയമങള് ഇല്ലെ .................എന്താ ഈ നാട്ടുകാരിങ്ങനെ........... കാക്കക് ഒരു ഇടി കൊടുക്കാന് തോന്നുന്നു .................
കാക്കയെ ഇടിക്കരുത് കേട്ടോ .
അയാള് ഇന്നും ഇവിടെ തന്നെ ഉണ്ട്.
ഇടക്ക് വിളിച്ചു ഞങ്ങള് സ്നേഹം പങ്കിടാരുണ്ട്
എന്നാലും എങ്ങനെ കഴിയുന്നു ഇവര്ക്ക് സ്വന്തം മക്കളോട് ഈ ക്രൂരത ചെയ്യാന്?
ഒരു അഭിപ്രായം പോസ്റ്റ് ചെയ്യൂ