എന്റെ ഭൂഗുരുത്വം കുറഞ്ഞു വരുന്നു ..
എന്റെ ചിന്തകളും ..
ഞാന്‍ നിന്നിലേക്ക്‌ മടങ്ങി വരുകയാണ് ..
ശതകോടി ദൂരങ്ങള്‍ താണ്ടി
എല്ലാം ഉപേക്ഷിച്ച് ..
നിനക്ക് വേണ്ടി മാത്രമായി
ഞാന്‍ മടങ്ങി വരുന്നു ...
ഒരിക്കലും നടന്നിട്ടില്ലാത്ത
കഥകളുടെ കെട്ടുകള്‍
ഞാന്‍ അഴിക്കുന്നു ..
എന്നോട് തന്നെ ആവര്‍ത്തിച്ചു പറഞ്ഞവ .
ഇനിയും തടഞ്ഞു വെക്കാനാവില്ല
നിന്റെ അമര്‍ത്തിയുള്ള ചുംബനങ്ങള്‍ ,,
നിന്റെ സാന്നിധ്യം എന്നെ പരാജിതനും
നിരായുധനും ആക്കുമെങ്കിലും
എന്റെയുള്ളില്‍ നീ പകരുന്ന സൗരഭം
നിന്റെ ശരീരത്തേക്കാള്‍
മനസ്സിനെയും ഹൃദയത്തെയും
കീഴ്പ്പെടുത്തും ..
എന്നിലേക്ക്‌ നീ പകര്‍ന്ന
നിര്‍മല സ്നേഹത്തിന്‍
തേന്‍തുള്ളികള്‍ എന്നും
നീയെന്നരികിലുന്ടായിരുന്നെങ്കില്‍
എന്ന് മോഹിപ്പിക്കുന്നു ...
എന്നിട്ടും ഞാനിവിടെ ബന്ധിതനാവുനു
യാഥാര്‍ത്ഥ്യം വിദൂരമെങ്കിലും
എന്റെ ഹൃദയം നിന്നോടുള്ള
സ്നേഹത്താല്‍ വിറ കൊള്ളുന്നു ..
ഒന്നറിയാം ..
നിന്നെയാണ് എനിക്ക് സ്നേഹിക്കേണ്ടത്
പക്ഷെ നാമെന്തു ചെയ്യും
എന്നും എപ്പോഴുമിങ്ങനെ
ആഗ്രഹിച്ചു ജീവിച്ചു തീര്‍ക്കാം ...
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ